enseigne

Enseigne proprement c'est une marque mise pour denoter quelque signifiance, et vient de En et signe, comme estant mise en signe et denotation de quelque chose, le mot Insigne Latin a la mesme composition, mais de trop plus large signification. Enseigne aussi se prent pour banniere ou Estendart qu'on porte à la guerre et és compagnies de gens de pied. Vexillum, Signum, ainsi appelé ou pour la raison dessusditte ou bien de ce mot Signum, qui en Latin signifie aussi enseigne de guerre, par ce que le gonfanon et principale enseigne des Romains avoit ou une aigle peincte au milieu, comme aucuns estiment, ou bien en bosse portée sur une base quarrée au bout d'une Javeline, lesquels Romains par ce mot Signum, entendoient aussi les effigies des bestes apposées ausdits enseignes, et d'autant aussi que nous retenons le mot Portenseigne (qu'on dit à present simplement l'enseigne) de Signifer, Latin. Autres pensent que Enseigne prins pour Estendart vienne de Insignia, mot Latin tout semblable, par ce qu'aux Enseignes, au lieu de la divise des couleurs qu'on y met tant seulement, on mettoit anciennement les armes et blason de la couronne, Republique, ou {{o=au}} autre {{o=outre}} estat, ou des particuliers princes et seigneurs, dont lesdits enseignes estoient, lesquelles armes et blason sont aussi signifiées par ledit mot Insignia, et conforméement à ceste opinion on trouve ces exemples és anciens Romans. L'enseigne de Charlemagne estoit devant toute desployée, d'azur à fleurs de lis toute semée, my-partie d'Alemaigne. Item, quel blason portoit-il en la bataille? Le poursuyvant respondit, qu'il portoit un Escu de gueules à la nef d'or, qui est l'enseigne de Fez. Item, Le quart portoit à son enseigne un escu d'argent à trois chasteaux de synople.

Enseigne aussi se prend pour la compagnie des soldats, marchans soubs une enseigne, laquelle est envers aucunes nations de cinq cens hommes et envers autres de trois cens pour estre complete.

Enseigne en outre avec l'article masculin se prend pour le port'enseigne. Signifer, car les deux genres concurrent en ce mot pour significations diverses, voyez Trompete, et selon ceste signification on conte ainsi les membres d'une compagnie, Le Capitaine, Le Lieutenant, L'enseigne, Le Caporal, etc. voyez Blason.

Une enseigne qu'on pend és maisons, Signum.

Enseigne de recognoissance, Symbolus, vel Symbolum, hoc est tessera rei conuentae, pactaeque.

L'enseigne que ceux qui avoient droict d'hospitalité les uns envers les autres gardoyent pour se faire recognoistre eux et leurs successeurs, Tessera hospitalis.

Fort petite enseigne, Tenue argumentum, indiciumque.

Apparence et enseigne restant de quelque chose, Vestigium.

Les enseignes par lesquelles on cognoissoit qu'on avoit usé d'anneaux, Vestigium annulorum.

Demander à faulses enseignes, Suppetere.

Je vous diray les enseignes, Argumenta rei dicam.

Porter l'enseigne de l'estat dont on se mesle, Tesseram professionis gestare, B.

Il luy baille bonnes enseignes, Secretis notis eum instruit, B. ex Liuio.

Donner enseignes, Indicia dare.

Donner quelque grand signe et enseigne de bonté de nature, Clarum specimen indolis dare.

Donner quelque enseigne et argument, Coniecturam afferre.

Monstrer par enseignes, Argumentis monstrare.

Prendre certaine enseigne de quelque chose, Argumentum certissimum accipere.

Enseignes, Insignia insigniorum, Signa signorum.

Port'enseigne, Signifer, Vexillarius.

Port'enseigne où estoit l'aigle, Aquilifer.

Desployer ou mettre les enseignes aux champs, Attollere signa.

Se mettre soubs l'enseigne de quelqu'un, Applicare se ad aliquem quasi patronum, B.

Venir à enseignes desployées à l'encontre de son pays, et luy faire guerre, Signa patriae inferre.

Les enseignes qui vont droit contre l'ennemi pour luy faire despaisir, Signa infesta.

Thresor de la langue françoyse. Jean Nicot.